بۇ يىل كۈيتۈن شەھىرىنىڭ ئۈرۈمچى يەرمەنكىسىگە قاتناشتۇرىدىغان 27 تۈرى ئىچىدە ، باغچىلاشقان ئەشيا ئوبوروت رايونى قۇرۇلۇشى تۈرى ئۈرۈمچى يەرمەنكىسىدە تۇنجى قېتىم نامايەن بولىدۇ . نۆۋەتتە ، ئاپتونوم رايونىمىز بويىچە ئەڭ چوڭ قۇرۇقلۇق يولى ئەشيا ئوبوروت شىركىتى—ئۈرۈمچى ‹‹سەنخۈەن›› ئوقەتچىلىك شىركىتى كۈيتۈنغا مەبلەغ سېلىپ ، چوڭ تىپتىكى باغچىلاشقان ئەشيا ئوبوروتى رايونى قۇرىدىغانلىقىنى بىلدۈردى .       ئىگىلىنىشىچە ، باغچىلاشقان ئەشيا ئوبوروتى رايونىنىڭ كۆلىمى 1 مىڭ 200 مو بولۇپ ، جەمئىي 260 مىليون يۈەن مەبلەغ سېلىنىدىكەن . مۆلچەرلىنىشىچە ، ئالدىنقى باسقۇچتا 120 مىليون يۈەن مەبلەغ سېلىنىدىكەن ، ئالدىنقى باسقۇچتىكى قۇرۇلۇش 3 باسقۇچقا بۆلۈنۈپ تاماملىنىدىكەن ، تۇنجى باسقۇچتا 50 مىليون يۈەن مەبلەغ سېلىنىپ ، 2 مىڭ 500 ئاپتوموبىلنى توختىتىشقا بولىدىغان چوڭ تىپتىكى ئاپتوموبىل توختىتىش مەيدانى ، تۇرمۇش مۇلازىمەت بازىسى ، ئەشيا ئوبوروت ئۇچۇرلىرى مەركىزى قاتارلىق مۇئەسسەسەلەر قۇرۇلىدىكەن .