ئۈرۈمچى شەھەرلىك شەھەر قىياپىتى، شەھەر مۇھىتىنى باشقۇرۇش ئىدارىسىدىن ئىگىلىنىشىچە، ئۈرۈمچىدىكى ‹‹يەنئەن›› باغچىسىنىڭ ئالدى، ‹‹ بوستان›› يولى، ‹‹قىزىلتاغ›› يولىدىكى قۇرۇلۇش بىناسىنىڭ ئۇدۇلى قاتارلىق جايلاردىكى ئون ئاممىۋى ھاجەتخانا ئاممىغا ھەقسىز ئېچىۋېتىلگەن.

   مۇناسىۋەتلىك خادىمنىڭ تونۇشتۇرۇشىچە، بۇلتۇر بەش ئاممىۋى ھاجەتخانا ھەقسىز ئېچىۋېتىلگەن بولۇپ، بۇ يىل بەش ئاممىۋى ھاجەتخانا ھەقسىز ئېچىۋېتىلگەن، كېلەر يىلى يەنە بەش ئاممىۋى ھاجەتخانا ھەقسىز ئېچىۋېتىلىدىكەن. ئىگىلىنىشچە، ھەقسىز ئېچىۋېتىلگەن ئاممىۋى ھاجەتخانىلارنىڭ مۇلازىمەت ۋاقتى قىسقارمايدىكەن، ۋاقتى – ۋاقتىدا تازىلىنىپ تۇرىدىكەن، ھاجەتخانىلارغا مەخسۇس خادىم قويۇلغان بولۇپ، مۇناسىۋەتلىك ئورۇنلار قەرەللىك تەكشۈرۈپ تۇرىدىكەن.
