بۇ يىلنىڭ ئالدىنقى يېرىمىدا ، ئاپتونوم رايونىمىز توقۇمىچىلىق كەسپىنىڭ تەرەققىياتى ئومۇمىي گەۋدىدىن مۇقىم بولدى. ئىشلەپچىقىرىش مىقدارى ئازراق ئاشتى ، ئىشلەپچىقىرىش–سېتىش تەڭپۇڭ بولدى ، پايدا ئېلىش سەۋىيىسى بەلگىلىك دەرىجىدە تۆۋەنلىگەن بولسىمۇ ، ئەمما يەنىلا پايدا يارىتىلدى . 

     بۇ يىلنىڭ ئالدىنقى يېرىمىدا ، ئاپتونوم رايونىمىز بويىچە توقۇمىچىلىق كەسپىدە ئەمەلگە ئاشۇرۇلغان سانائەت ئاشۇرۇلما قىممىتى 1 مىليارد 815 مىليون يۈەنگە يېتىپ ، بۇلتۇرقى ئوخشاش مەزگىلدىكىدىن %9.27 ئاشتى .  6–ئاينىڭ ئاخىرىغا قەدەر ، ئاپتونوم رايونىمىز بويىچە كۆلەمدىن يۇقىرى توقۇمىچىلىق كارخانىلىرىنىڭ ئەمەلگە ئاشۇرغان پايدىسى 128 مىليون يۈەنگە يېتىپ ، بۇلتۇرقىنىڭ ئوخشاش مەزگىلدىكىسىدىن %49.8تۆۋەن بولدى .