ئىختىيارىي مۇخبىرىمىز ئادىلجان ئابدۇقادىر خەۋىرى ، فوتوسى: 13–ئاۋغۇست ، قەشقەر شەھىرىدىكى ماروژنا تىجارىتى بىلەن شۇغۇللىنىدىغان يەككە تىجارەتچى تۇرسۇنجان ئابدۇرېھىم 2007–يىلى ئالىي مەكتەپ ئىمتىھانىدا يۇقىرى نومۇر ئالغانلارغا تەسىس قىلغان‹‹ئىسكەندەر مائارىپ فوندى››نىڭ 2008–يىللىق تارقىتىش مۇراسىمى قەشقەر شەھەر ئۆستەڭبويى كوچا باشقارمىسىدا ئۆتكۈزۈلدى. بۇ يىل قەشقەر ۋىلايىتىدىن ئالىي مەكتەپ ئىمتىھانىغا قاتنىشىپ ، يۇقىرى نومۇر ئالغان 20 نەپەر ئوقۇغۇچى20مىڭ يۈەن بىلەن مۇكاپاتلاندى. ئۇنىڭدىن باشقا، مەكتەپكە قوبۇل قىلىنىپ ، ئىقتىسادىي جەھەتتە قىيىنچىلىقى بولغان ئۈچ نەپەر ئوقوغۇچىمۇ 1500 يۈەن ياردەم پۇلىدىن بەھرىمان بولدى.

يۇقىرى نومۇر ئالغان ئوقۇغۇچىلار مۇكاپات پۇلى ۋە خاتىرە بۇيۇملىرىنى تاپشۇرۇپ ئالماقتا

تۇرسۇنجان مۇكاپات بۇيۇمى ۋە مۇكاپات پۇلى تارقىتىپ بەرمەكتە

تۇرسۇنجان ئابدۇرېھىم سۆز قىلماقتا