تروپىك بەلباغ قارا بورىنى‹‹شىمالىي تاج›› 8–ئاۋغۇست ۋېيتنامدا قۇرۇقلۇققا چىقىپ ، قارا يامغۇر يېغىپ ، ئېغىر كەلكۈن ئاپىتى كەلتۈرۈپ چىقاردى .

   ئىگىلىنىشىچە ، بۇ ئاپەتتە 62 ئادەمنىڭ قازا قىلىپ ، 39 ئادەم يوقاپ كەتكەن . قۇتقۇزۇش خىزمىتىنىڭ قانات يايدۇرۇلۇشىغا ئەگىشىپ ، قازا قىلغانلارنىڭ سانى داۋاملىق ئېشىشى مۇمكىن ئىكەن . بىر ئەمەلدارنىڭ ئاشكارىلىشىچە ، ھازىرغىچە ، ئاز دېگەندىمۇ 800 دىن ئارتۇق ئۆي ئۆرۈلۈپ چۈشكەن .

   ۋېيتنامدا كەلكۈن ، بوران–چاپقۇن ئاپەتلىرى كۆپ يۈز بېرىدۇ . ۋېيتنام ئاخبارات ۋاستىلىرىنىڭ خەۋىرىگە ئاساسلانغاندا ، 2007–يىلى تەيفېڭ بورىنى ۋە كەلكۈن قاتارلىق تەبىئىي ئاپەتلەر تۈپەيلىدىن بۇ دۆلەتتە 435 ئادەم قازا قىلغان ياكى يوقاپ كەتكەن . ۋېيتنام دۆلەت گىدروگرافىك ھاۋارايى ئالدىن مەلۇمات مەركىزىنىڭ پەرىزىچە ، ‹‹لانىنا ھادىسىسى›› نىڭ تەسىرىدە ، بۇ يىل كۆپلىگەن تروپىك بەلباغ بوران–چاپقۇنلىرى ۋېيتنامغا ھۇجۇم قىلىشى مۇمكىن ئىكەن .