كەلپىن ناھىيىلىك مائارىپ ئىدارىسى ناھىيە بويىچە تولۇقسىز ئوتتۇرا مەكتەپنى پۈتكۈزگەن 972 ئوقۇغۇچىنى 6 – ئاينىڭ 12 – كۈنىدىن 7 – ئاينىڭ 17 – كۈنىگىچە ‹‹ يېشىل تاشلىق گۇۋاھنامە›› سالاھىيىتى بويىچە تەربىيىلىدى. كۇرستا ئوقۇغۇچىلارغا يېزا ئىگىلىك ماشىنىلىرىنى ئىشلىتىش، كۆكتات تېرىش، يېمەكلىك پىششىقلاش، چارۋامال، ئۆي قۇشلىرى باقمىچىلىقى، باغۋەنچىلىك، ئورمانچىلىققا ئائىت ئەمەلىي تېخنىكا بىلىملىرى بويىچە دەرس ئۆتۈلدى. ئاخىرىدا ئىمتىھان ئېلىش ئارقىلىق بۇ ئوقۇغۇچىلارنىڭ ھەممىسى ‹‹يېشىل تاشلىق گۇۋاھنامە››گە ئېرىشتى.
