. كورىيىلىك نەچچە مىڭ كىشى 5 – ئاۋغۇست كەچتە شاملىق يىغىلىش ئۆتكۈزۈپ، ئامېرىكا زۇڭتۇڭى بۇشنىڭ كورىيىگە زىيارەتكە كەلگەنلىكى ۋە كورىيە ھۆكۈمىتىنىڭ ئامېرىكىدىن كالا گۆشى ئىمپورت قىلىشنى ئەسلىگە كەلتۈرگەنلىكىگە ئېتىراز بىلدۈردى.

   . 2 – ئىيۇلدىن بۇيان ئوتتۇرا – شەرقىي ياۋروپا رايونى كەمدىن كەم ئۇچرايدىغان قارا يامغۇر ۋە كەلكۈن ئاپىتىگە ئۇچرىدى، ئۇكرائىنا، مولدىۋې ۋە رۇمىنىيىنىڭ قىسمەن جايلىرىدا ئاپەت ئېغىر بولدى.

   . ھەر ساھە كىشىلىرى 6 – ئاۋغۇست خىروسىما شەھىرىدىكى تىنچلىق خاتىرە باغچىسىغا يىغىلىپ، بۇ شەھەرنىڭ ئاتوم بومبىسى بىلەن بومباردىمان قىلىنغانلىقىنىڭ 63 يىللىقىنى خاتىرىلىدى، قازا قىلغۇچىلارغا تەزىيە بىلدۈردى ھەم تىنچلىق ئۈچۈن تىلاۋەت قىلدى.

   . دۇنيا سەھىيە تەشكىلاتىنىڭ باش ئىش بېجىرگۈچىسى 5 – ئاۋغۇست مېكسىكا شەھىرىدە خەلقئارا جەمئىيەتنىڭ بىردەك ئىتتىپاقلىشىپ، ئەيدىزنىڭ تەھدىتىگە قارشى تۇرۇشىنى ئۈمىد قىلىدىغانلىقىنى ئېيتتى.

   . ئاقساراي ۋە مەركىزىي ئاخبارات ئىدارىسى 5 – ئاۋغۇست بۇش ھۆكۈمىتىنىڭ ئىراقنىڭ سابىق زۇڭتۇڭى سادام ھاكىمىيىتىنىڭ ‹‹بازا›› تەشكىلاتى بىلەن چېتىشلىقى بارلىقىنى ئىسپاتلايدىغان ساختا خەت ئويدۇرۇپ چىقىپ، ئىراققا قارشى ئۇرۇش قوزغاشنىڭ باھانىسى قىلغانلىقىنى ئىنكار قىلدى.

  شىنخۇا ئاگېنتلىقى