ئىختىيارىي مۇخبىرىمىز ھۆسىيىن مەمىتىمىن خەۋىرى ، فوتوسى : يېڭىسار ناھىيىلىك مائارىپ خىزمىتى كومىتېتى 25–ئىيۇلدىن باشلاپ قانۇن تۈزۈمنى مەكتەپلەرگە كىرگۈزۈش بويىچە مەخسۇس لېكسىيە سۆزلەش ئۆمىكى تەشكىللەپ ، ئوقۇتقۇچى، ئوقۇغۇچىلارغا قارىتا يازلىق تەتىللىك قانۇن–تۈزۈم تەربىيسى ئېلىپ بېرىشنى قانات يايدۇردى.

       6–ئاۋغۇستقىچە ، ناھىيىلىك خەلق تەپتىش مەھكىمىسىدىن ئالاھىدە تەكلىپ قىلىنغان ، ئۇزۈن يىللىق قانۇن –تۈزۈم خىزمەت تەجرىبىسىگە ئىگە ، پىشقەدەم كادىر، ساقچىلار ناھىيە تەۋەسىدىكى ھەر قايسى يېزا–بازار ۋە ناھىيىگە بىۋاستە قاراشلىق ئوتتۇرا ، باشلانغۇچ مەكتەپلەرنى بىرلىك قىلىپ ، جۇڭخۇا خەلق جۇمھۇرىيىتىنىڭ ‹‹جىنايى ئىشلار قانۇنى››، ‹‹ياش قۇرامىغا يەتمىگەنلەرنىڭ جىنايەت ئۆتكۈزۈشىنىڭ ئالدىنى ئېلىش قانۇنى››، ‹‹قۇرامىغا يەتمىگەنلەرنى قوغداش قانۇنى›› قاتارلىق قانۇن–نىزاملارنى ئاساس قىلىپ، ئەتراپلىق، ئەمەلىي مىساللارنى كەلتۈرۈپ، جانلىق ، چۈشىنىشلىك تىللار بىلەن 10 نەچچە مەيدان لېكسىيە سۆزلەپ ، 5 مىڭغا يېقىن ئوقۇتقۇچى ۋە ئوقۇغۇچىلارنى تەسىر كۈچى زور بولغان بىر قېتىملىق قانۇن–تۈزۈم تەربىيسىگە ئىگە قىلدى.

       ناھىيىلىك 3–ئوتتۇرا مەكتەپتە ئۆتكۈزۈلگەن لېكسىيە سۆزلەش پائاليتىدىن كۆرنۈش