ئىسرائىلىيە زوڭلىسى ، ئالغا پارتىيىسىنىڭ رەئىسى ئولمېرت 30– ئىيۇل جىددى ئاخبارات ئېلان قىلىش يىغىنى ئېچىپ مۇنداق دېدى : ئالغا پارتىيىسىنىڭ رەئىس سايلىمىغا قاتناشمايمەن ھەم ئارىلاشمايمەن ، ئالغا پارتىيىسى يېڭى رەئىس سايلاپ چىققاندىن كېيىن ، زوڭلىلىق ۋەزىپەمدىن ئىستېپا بېرىمەن ھەمدە يېڭى رەئىسنىڭ يېڭى ھۆكۈمەتنى ‹‹تېز ۋە ئۈنۈملۈك›› تەشكىللىشىگە پۇرسەت يارىتىپ بېرىمەن . ھازىر ئىسرائىلىيە دىپلوماتىيە مىنىستىرى لىۋنى ، ترانسىپورت مىنىستىرى موفاز ، ئىچكى ئىشلار مىنىستىرى سېترىت ، جامائەت خەۋپسىزلىكى مىنىستىرى دىچتېر قاتارلىق ئالغا پارتىيىسىنىڭ ئالىي دەرىجىلىك ئەزالىرى سايلامغا قاتنىشىش ئويى بارلىقىنى بىلدۈردى .

     ئولمېرت مۇنۇلارنى بىلدۈردى : زۇڭلىلىق ۋەزىپەمنى ئۆتەۋاتقان مەزگىلدە ، ئىسرائىلىيىنىڭ خەۋپسىزلىك ۋەزىيىتىدە ياخشىلىنىش بولدى ، مۇشۇ ئورنۇمدا تۇرىدىكەنمەن ، تىنىچلىقنى ئەمەلگە ئاشۇرۇش ئۈچۈن داۋاملىق تىرىشىمەن .

     تەھلىلچىلەر مۇنداق دېدى : ئولمېرتنىڭ سايلامغا قاتناشماسلىقىنى قارار قىلىشى ، ئۇنىڭ سىياسىي ھاياتىنىڭ ئاخىرلاشقانلىقىدىن دېرەك بېرىدۇ .