30 – ئىيۇل گوۋۇيۈەن زۇڭلىسى ۋېن جياباۋنىڭ رىياسەتچىلىكىدە ئېچىلغان گوۋۇيۈەننىڭ دائىمىي يىغىنىدا، شەھەرلەردىكى مەجبۇرىيەت مائارىپى باسقۇچىدا تۇرىۋاتقان ئوقۇغۇچىلارنىڭ ئوقۇش راسخوتىنى تولۇق كەچۈرۈم قىلىش خىزمىتى تەتقىق قىلىپ ئورۇنلاشتۇرۇلدى . يىغىندا مۇنۇلار قارار قىلىندى: 2008– يىللىق كۈز پەسىللىك  ئوقۇش مەۋسۈمىدىن باشلاپ،  پۈتكۈل مەملىكەت مىقياسىدا شەھەرلەردىكى مەجبۇرىيەت مائارىپى باسقۇچىدا تۇرىۋاتقان ئوقۇغۇچىلارنىڭ ئوقۇش راسخوتى تولۇق كەچۈرۈم قىلىنىدۇ ، شەھەرلەردىكى ئەڭ تۆۋەن تۇرمۇش كاپالىتى سىياسىتىدىن بەھرىمەن بولىۋاتقان ئائىلىلەردىكى مەجبۇرىيەت مائارىپ باسقۇچىدا تۇرىۋاتقان ئوقۇغۇچىلار داۋاملىق ھەقسىز ئوقۇش كىتاپلىرى بىلەن تەمىنلىنىپ، نامرات ياتاقتا يېتىپ ئوقۇيدىغان ئوقۇغۇچىلارغا داۋاملىق تۇرمۇش ياردەم پۇلى تارقىتىپ بېرىلىدۇ.