. جۇڭگونىڭ ئامېرىكىدىكى ئەلچىخانىسى 29 – ئىيۇل يېڭى ئەلچىخانىنىڭ ئېچىلىش مۇراسىمىنى ئۆتكۈزدى، ئامېرىكىدا زىيارەتتە بولۇۋاتقان جۇڭگو دىپلوماتىيە مىنىستىرى ياڭ جيېچى مۇراسىمغا قاتناشتى ھەم سۆز قىلدى. 

   . روسىيە زۇڭتۇڭى مېدۋېدېۋ 30 – ئىيۇل موسكۋادا جۇڭگونىڭ سىچۇەندىكى ئاپەت رايونىدىن داۋالانغىلى كەلگەن ئوتتۇرا – باشلانغۇچ مەكتەپ ئوقۇغۇچىلىرى ۋەكىللىرى بىلەن كۆرۈشتى.

   . ئامېرىكا بىرلەشمە ئاگېنتلىقىنىڭ خەۋەر قىلىشىچە، ئامېرىكا دۆلەت كاتىپى رېس 29 – ئىيۇل زىيارەتكە كەلگەن ئىسرائىلىيە دۆلەت مۇداپىئە مىنىستىرى باراك بىلەن مەخپىي سۆھبەتلەشكەن، باراك ئىسرائىلىيىنىڭ ئىراننىڭ يادرو ئەسلىھەلىرىگە زەربە بېرىش مۇمكىنچىلىكىنى چەتكە قاقمايدىغانلىقىنى بىلدۈرگەن.

   . ئامېرىكا دۆلەت كاتىپى رېس 29 – ئىيۇل سۆز قىلىپ، ئىراننى ئامېرىكا، روسىيە، جۇڭگو، ئەنگلىيە، فرانسىيە ۋە گېرمانىيە ئوتتۇرىغا قويغان يادرو مەسىلىسى سۆھبىتىنى ئەسلىگە كەلتۈرۈش لايىھىسىگە بەلگىلەنگەن مۆھلەتتە ئېنىق جاۋاب بېرىشكە دەۋەت قىلدى.

   . گوللاندىيىنىڭ گائاگا شەھىرىدە تەسىس قىلىنغان ب د ت سابىق يۇگوسلاۋىيە مەسىلىسى جىنايى ئىشلار سوتى 30 – ئىيۇل بايانات ئېلان قىلىپ، بوسنىيە – گېرتسېگوۋىنادىكى سېرىبلارنىڭ سابىق رەھبىرى كارادىچنى شۇ كۈنى ئۆتكۈزۈۋالغانلىقىنى، ئۇنىڭ ھازىر گائاگاغا يېقىن سخېۋېنىڭېن تۈرمىسىگە قامالغانلىقىنى جاكارلىدى.    

 شىنخۇا ئاگېنتلىقى
