بۇ يىل 1–ئايدىن 6–ئايغىچە ، غەربىي شىمال نېفىت شىركىتىنىڭ خام نېفىت ئىشلەپچىقىرىش مىقدارى 2 مىليون 940 مىڭ توننىغا يېتىپ، بۇلتۇرقى ئوخشاش مەزگىلدىكىدىن 435 مىڭ توننا ئاشتى . بۇ يىل غەربىي شىمال نېفىت شىركىتى يىللىق خام نېفىت ئىشلەپچىقىرىش مىقدارىنى 6 مىليون 90 مىڭ توننىغا يەتكۈزۈپ ، بۇلتۇرقىدىن 730 مىڭ توننا ئاشۇرۇشنى پىلانلىدى. بۇ يېقىنقى يىللاردىن بۇيان ئېشىش نىسبىتى ئەڭ زور بولغان بىر يىل بولدى . مەھسۇلات مىقدارى ۋەزىپىسىنى ئوڭۇشلۇق ئورۇنداش ئۈچۈن ، ھەر قايسى ئورۇنلار كونا قۇدۇقلاردا نېفىت مەھسۇلات مىقدارىنى مۇقىملاشتۇرۇش ، سۇنى كونترول قىلىش ۋە نېفىت ئېلىشتىكى يېڭى ھۈنەر–سەنئەتلەرنى قوللىنىش سالمىقىنى زورايتىپ ، سۇ تەركىبى يۇقىرى بولغان بىر تۈركۈم قۇدۇقلارنى يۇقىرى ھوسوللۇق قۇدۇقلارغا ئايلاندۇردى .