ئاپتونوم رايونلۇق مالىيە نازارىتى يېقىندا باغ–ئورمان كەسپىنى تەرەققىي قىلدۇرۇش مەبلىغىنى 27 مىليون يۈەن كۆپەيتتى . بۇنىڭ بىلەن ئاپتونوم رايونىمىزنىڭ بۇ يىل باغ–ئورمان كەسپىنى تەرەققىي قىلدۇرۇشقا ئاجراتقان مەبلىغى 50 مىليون يۈەنگە يەتتى .

     ئاپتونوم رايونلۇق مالىيە نازارىتىدىن ئىگىلىنىشىچە ، بۇ مەبلەغلەرنىڭ سېلىنىشى باغ–ئورمان كەسپىنىڭ ئۇل قۇرۇلۇش ئىقتىدارى ، يېڭى پېتى ساقلاش ۋە پىششىقلاپ ئىشلەش ئىقتىدارى ، بازار ئېچىش ئىقتىدارى ، پەن–تېخنىكا ئارقىلىق تايانچ بولۇش ئىقتىدارىنى كۈچەيتىپ ، باغ–ئورمان كەسپىنى دېھقانلارنىڭ كىرىمىنى سىجىل ئاشۇرۇرۇشتىكى مۇھىم كەسپ قىلىپ قۇرۇپ چىقىشقا پايدىلىق ئىكەن .