يوپۇرغا ناھىيىسى 20 – ئىيۇل مەملىكەت بويىچە ئۆلچەملەشكەن ‹‹يېشىل›› يېمەكلىكلەر بازىسىنى تەكشۈرۈپ ئۆتكۈزۈۋېلىشتىن ئوڭۇشلۇق ئۆتتى.

    دۆلەت يېزا ئىگىلىك مىنىستىرلىكىنىڭ ھاۋالىسىگە ئاساسەن، ئاپتونوم رايونلۇق ‹‹يېشىل›› يېمەكلىكلەرنى راۋاجلاندۇرۇش مەركىزى، قەشقەر ۋىلايەتلىك زىيانسىز يېزا ئىگىلىك مەھسۇلاتلىرىنى ئۆلچەش – كۆزىتىش مەركىزى قاتارلىق ئورۇنلاردىكى مۇتەخەسسىسلەردىن تەشكىللەنگەن تەكشۈرۈپ ئۆتكۈزۈۋېلىش گۇرۇپپىسى يېقىندا يوپۇرغا ناھىيىلىك ‹‹يېشىل›› قوغۇن بازىسىنى تەكشۈرۈپ ئۆتكۈزۈۋالدى. تەكشۈرۈپ ئۆتكۈزۈۋېلىش گۇرۇپپىسى دوكلات ئاڭلاش، نەق مەيداننى تەكشۈرۈش، دېھقانلار بىلەن سۆھبەتلىشىش، ئارخىپلارنى كۆرۈش، ئىشلەپچىقىرىش خاتىرىسىنى تەكشۈرۈش قاتارلىق شەكىللەر ئارقىلىق، ‹‹يېشىل›› قوغۇن ئىشلەپچىقىرىشتىكى تەشكىلىي باشقۇرۇش تۈزۈلمىسى، تېخنىكا باشقۇرۇش مۇلازىمەت سىستېمىسى، نازارەت قىلىپ باشقۇرۇش سىستېمىسى قاتارلىق سەككىز چوڭ تۈر، 50تىن ئارتۇق كىچىك تۈرنى بىر بىرلەپ باھالاپ نومۇر قويۇپ، ئەڭ ئاخىرىدا بۇ ناھىيىنى ‹‹يېشىل›› قوغۇن ئىشلەپچىقىرىشتىكى تۈرلۈك تېخنىكىلىق كۆرسەتكۈچلەرنىڭ تەلىپىگە يەتكەن، دۆلەتنىڭ ‹‹يېشىل›› قوغۇن ئىشلەپچىقىرىش ئۆلچىمىگە مۇۋاپىق كېلىدۇ، دەپ بېكىتتى.
