18–ئىيۇل ، شىنجاڭ تەڭرىتاغ ياۋايى ھايۋاناتلار باغچىسى ‹‹ئاجايىپ ھايۋاناتلار ئائىلىسىدىكى يازلىق تەتىللىك تۇرمۇش›› نامىدا لاگېر پائالىيىتى ئۇيۇشتۇردى . 6 ياشتىن 12 ياشقىچە بولغان 17 نەپەر ئۆسمۈر لاگېرغا قاتناشتى . بالىلار بۇ باغچىدا خىلمۇ–خىل قۇشلارنىڭ ماھارىتىدىن ھۇزۇرلىنىش بىلەن بىرگە ، بېگېموت ، پىنگۋىن ، پىل قاتارلىق ھايۋاناتلارنى يېقىندىن كۆردى . يېتەكچى ئوقۇتقۇچى بالىلارنى تۈرلۈك قىزىقارلىق ئويۇنلارنى ئويناشقا ئۇيۇشتۇردى . لاگېردىكى بالىلار يەنە تاغقا يامىشىش قاتارلىق بەدەن قۇۋۋىتىنى ئاشۇرۇشقا پايدىلىق پائالىيەتلەرنى ئېلىپ باردى .