شىنجاڭ ئۇيغۇر ئاپتونوم رايونلۇق ئوقۇغۇچى قوبۇل قىلىش ئىشخانىسىنىڭ 2008 – يىللىق ئادەتتىكى ئالىي مەكتەپلەرگە ئىككىنچى تۈركۈمدە توردا ئوقۇغۇچى قوبۇل قىلىش خىزمىتى 19 – ئىيۇل باشلانغان بولۇپ ، ئىككىنچى تۈركۈمگە ئوقۇغۇچى قوبۇل قىلىش خىزمىتى 24 – ئىيۇل ئاخىرلىشىدىكەن .

       ئاپتونوم رايونلۇق ئوقۇغۇچى قوبۇل قىلىش ئىشخانىسىنىڭ مۇدىرى خەن چۇنشىنىڭ تونۇشتۇرۇشىچە ، بىرىنچى تۈركۈمگە ئوقۇغۇچى قوبۇل قىلىش خىزمىتى 16 – ئىيۇل ئاخىرلاشقان بولۇپ ، بىرىنچى تۈركۈمگە ئاپتونوم رايونىمىزدىكى 16 مىڭدىن ئارتۇق ئوقۇغۇچى قوبۇل قىلىنغان .

       بۇ يىل چىڭخۇا ئۇنىۋېرسىتېتى ، بېيجىڭ ئۇنىۋېرسىتېتى ئاپتونوم رايونىمىزدىن قوبۇل قىلىدىغان ئوقۇغۇچى سانىنى پىلاندىكىدىن كۆپەيتىپ ، رايونىمىزدىن جەمئىي 69 نەپەر ئوقۇغۇچى قۇبۇل قىلغان . بۇنىڭ ئىچىدە چىڭخۇا ئۇنىۋېرسىتېتىنىڭ تارىخ – مەدەنىيەت تۈرىگە 6 نەپەر ، تەبىئىي پەن تۈرلىرىگە 28 نەپەر ئوقۇغۇچى قوبۇل قىلىنغان ؛ بېيجىڭ ئۇنىۋېرسىتېتىنىڭ مەدەنىيەت – تارىخ تۈرىگە 14 نەپەر ، تەبىئىي پەن تۈرىگە 21 نەپەر ئوقۇغۇچى قوبۇل قىلىنغان .