ئۈرۈمچى شەھىرى بازار تەمىنلىشىگە كاپالەتلىك قىلىش ئۈچۈن ، بۇ يىل تەييار ئاشلىق ، سۇ يېغى زاپاس ساقلاشقا 10 مىليون يۈەن ، گۆش مەھسۇلاتلىرىنى زاپاس ساقلاشقا 5 مىليون يۈەن ئاجرىتىدىكەن . ئۈرۈمچى شەھەرلىك تەرەققىيات ۋە ئىسلاھات كومىتېتىدىن ئىگىلىنىشىچە ، مۇناسىۋەتلىك ئورۇنلار كېيىنكى يېرىم يىلدا ئۈرۈمچى شەھىرىنىڭ مال باھاسىنى تۇراقلاشتۇرۇش تەدبىرلىرىنى يولغا قويغان . بۇنىڭ ئىچىدە ، ئاشلىق ، سۇ يېغى ، گۆش زاپاس ساقلاش ئۈرۈمچى شەھىرىدە يېمەكلىك ۋە قوشۇمچە يېمەكلىكلەرنىڭ ئۈزۈلۈپ قالماسلىقىغا كاپالەتلىك قىلىش ئۈچۈن ئىكەن . بۇ يىلنىڭ كېيىنكى يېرىمىدا ، ئۈرۈمچى شەھىرىنىڭ زاپاس ئاشلىق مىقدارى 30 مىڭ توننا ئاشۇرۇلۇپ ، ئومۇمىي زاپاس ئاشلىق مىقدارى 60 مىڭ توننىغا يەتكۈزۈلىدىكەن .