‹‹مائارىپ مىنىستىرلىكىنىڭ 2008 – يىللىق شىنجاڭ ۋە شىنجاڭ ئىشلەپچىقىرىش – قۇرۇلۇش بىڭتۈەنىدىكى ئوتتۇرا – باشلانغۇچ مەكتەپ ئوقۇتقۇچىلىرىنى تەربىيىلەش پىلانى›› 7–ئاينىڭ 18–كۈنى يولغا قويۇلدى. بۇ پىلان بويىچە، ئاپتونوم رايونىمىز بويىچە ئوتتۇرا، باشلانغۇچ مەكتەپلەرنىڭ 2 مىڭدىن كۆپرەك غوللۇق ئوقۇتقۇچىسى 10 كۈن تەربىيىلىدۇ. 

      مائارىپ مىنىستىرلىكى مەخسۇس تۈر مەبلىغى ئاجراتقان بۇ قېتىقى تەربىيىلەش ۋەزىپىسىنى جېجياڭ ئۆلكىلىك مائارىپ نازارىتى ھاۋالە بىلەن ئۈستىگە ئالغان بولۇپ، جېجياڭ ئۆلكىسى 50 مۇتەخەسسىستىن تەربىيىلەش قوشۇنى تەشكىللىدى، ئۇلار مەركەزلىك تەربىيىلەش بىلەن نۇر دىسكىسى، توردا تەربىيىلەش ئورگانىك بىرلەشكەن شەكىلنى قوللىنىپ، ئاپتونوم رايونىمىز ۋە بىڭتۈەندىكى ئوتتۇرا، باشلانغۇچ مەكتەپلەردىكى ئوقۇتقۇچىلارنى 9 پەن بويىچە تەربىيىلەيدۇ. شۇنىڭ بىلەن بىرگە، 20 مىڭ يۈەن قىممىتىدىكى ئەلا سۈپەتلىك ئوقۇتۇش ئوپتىك دىسكىسى، ئەلا سۈپەتلىك مائارىپ بايلىقى 240G نى ھەدىيە قىلىدۇ.