ئاپتونوم رايوننىڭ ئىككىنچى قېتىملىق مەملىكەتلىك ئىقتىسادنى ئومۇميۈزلۈك تەكشۈرۈش سىناق نۇقتا خىزمىتى يېقىندا سانجى شەھىرىدە باشلاندى . بۇ خىزمەتنىڭ باشلىنىشى بۇ تۈرلۈك ئومۇميۈزلۈك تەكشۈرۈشنىڭ ماھىيەت خاراكتېرلىك مەشغۇلات باسقۇچىغا كىرگەنلىكىدىن دېرەك بېرىدۇ . بۇ قېتىمقى ئومۇميۈزلۈك تەكشۈرۈش 2004–يىلىدىكى مەملىكەت بويىچە بىرىنچى قېتىملىق ئىقتىسادنى ئومۇميۈزلۈك تەكشۈرۈش ۋە 2006–يىلىدىكى مەملىكەت بويىچە يېزا ئىگىلىكىنى ئومۇميۈزلۈك تەكشۈرۈشتىن كېيىن قانات يايدۇرۇلغان يەنە بىر قېتىملىق چوڭ تىپتىكى ئۇنىۋېرسال دۆلەت ئەھۋالى ۋە دۆلەت كۈچىنى تەكشۈرۈش بولۇپ ، رايون ئەھۋالى ۋە رايون رىقابەت ئىقتىدارىنى تەكشۈرۈشتە ئېنېرگىيە سەرپىياتى ۋە ئاساسلىق ئېنېرگىيە سەرپ قىلغۇچى ئۈسكۈنىلەرنى ئومۇميۈزلۈك تەكشۈرۈش كۈچەيتىلدى .