ئۈرۈمچى شەھىرى نۆۋەتتە ، ئىسسىق سۇ پومپىسى تېخنىكىسى ، توك ئارقىلىق ئىسسىقلىق تارقىتىش قاتارلىق بىر تۈركۈم پاكىزە ئېنېرگىيە مەنبەسى بويىچە ئۈلگە كۆرسىتىش قۇرۇلۇشلىرىنى بېكىتتى . بۇ قۇرۇلۇشلارغا سېلىنىدىغان ئومۇمىي مەبلەغ 47 مىليون 640 مىڭ يۈەن بولۇپ ، قۇرۇلۇش كۆلىمى 165 مىڭ 800 كۋادرات مېتىرغا يېتىدۇ . بۇنىڭ ئىچىدە ، ھۆكۈمەتتىن ھەر بىر كۋادرات مېتىر ئۈچۈن 50 يۈەن ياردەم پۇلى بېرىلىدۇ .

      بۇلتۇر ، ئۈرۈمچى شەھىرى يەر مەنبەلىك ئىسسىق سۇ پومپىسى ، توك ئارقىلىق ئىسسىقلىق تارقىتىش قاتارلىق پاكىزە ئېنېرگىيە مەنبەلىرىنى بىناكارلىق قۇرۇلۇشلىرىدا قوللىنىش بويىچە ئۈلگە كۆرسىتىش قۇرۇلۇشىنى يولغا قويۇپ ، سىناق تەرىقىسىدە يولغا قويۇش كۆلىمىنى 33 مىڭ كۋادرات مېتىرغا يەتكۈزدى . 11– بەش يىللىق پىلان مەزگىلىنىڭ ئاخىرلىرىغىچە ، ئۈرۈمچى شەھىرى يەنە ئىسسىقلىق بىلەن تەمىنلەش بايلىقىنى بىرلەشتۈرۈشنى تېزلىتىپ ، ھاسىلىي بايلىق مەنبەسىنىڭ بىناكارلىق قۇرۇلۇشلاردا ئىشلىتىلىش كۆلىمىنى كېڭەيتىدۇ ھەمدە ئېنېرگىيە سەرپىياتى تۆۋەن بولغان ، ئالاھىدە تۆۋەن بولغان ۋە مۇھىتقا پايدىلىق بولغان بىناكارلىق قۇرۇلۇش تۈرلىرى بويىچە ئۈلگە كۆرسىتىش خىزمىتىنى قانات يايدۇرىدۇ .