ئاپتونوم رايونىمىزنىڭ ئالدىنقى يېرىم يىلدىكى مال باھا سەۋىيىسى سىجىل يۇقىرى بولۇپ ،  ئاپتونوم رايون بويىچە ئاھالىلار ئىستېمال باھا ئومۇمىي سەۋىيىسى بۇلتۇرقىنىڭ ئوخشاش مەزگىلدىكىسىدىن %10.5ئۆرلىگەن ھەمدە ئۆرلەش دەرىجىسى بۇلتۇرقى ئوخشاش مەزگىلدىكىدىن 7.3 پوئىنت يۇقىرى بولغان .

      14–ئىيۇل ، دۆلەت ئىستاتىستىكا ئىدارىسى شىنجاڭ تەكشۈرۈش باش ئەترىتىنىڭ ئىستېمال باھا باشقارمىسى ئاپتونوم رايونىمىزنىڭ ئالدىنقى يېرىم يىللىق ئاھالىلەر ئىستېمال ئەھۋالىنى ئىستاتىستىكا ۋە ئانالىز قىلدى . ئالدىنقى يېرىم يىلنىڭ ھەر قايسى ئايلىرىدىكى ئاھالىلەر ئىستېمال باھا ئومۇمىي كۆرسەتكۈچى بۇلتۇرقى ئوخشاش ئايلارغا قارىغاندا بىردەك زور دەرىجىدە ئۆرلىگەن . ئالدىنقى يېرىم يىلدا ، يېمەكلىك تۈرىدىكىلەرنىڭ باھاسى %26.5 ئۆرلىگەن بولۇپ ، بۇنىڭ ئىچىدە ئاساسلىقى ئاشلىق ، ياغ ، گۆش ، كۆكتات ، سۇ مەھسۇلاتلىرىنىڭ باھاسى زور دەرىجىدە ئۆرلىگەن .