جۇڭگو كوممۇنىستىك پارتىيىسى مەركىزىي كومىتېتى سىياسىي بيۇروسى دائىمىي كومىتېتىنىڭ ئەزاسى، مەركىزىي سىياسىي – قانۇن كومىتېتىنىڭ شۇجىسى جۇ يۇڭكاڭ 15 – ئىيۇل چۈشتىن بۇرۇن مەملىكەتلىك سىياسىي – قانۇن سىستېمىسىدىكى يەر تەۋرەش ئاپىتىگە تاقابىل تۇرۇپ، ئاپەتتىن قۇتقۇزۇش قەھرىمانلىرىنىڭ ئىش – پائالىيەتلىرىدىن دوكلات بېرىش ئۆمىكى ئەزالىرى بىلەن سەمىمىي كۆرۈشتى ھەمدە سۆز قىلدى. ئۇ مۇنداق دېدى: سىياسىي– قانۇن ئورگانلىرى يەر تەۋرەش ئاپىتىگە تاقابىل تۇرۇپ، ئاپەتتىن قۇتقۇزۇشتىكى قەھرىمان كوللېكتىپ ۋە قەھرىمان شەخسلەرنى ئۈلگە قىلىپ، باش شۇجى خۇ جىنتاۋنىڭ يەر تەۋرەش ئاپىتىگە تاقابىل تۇرۇپ، ئاپەتتىن قۇتقۇزۇشتىكى ئىلغار ئاساسىي قاتلام پارتىيە تەشكىلاتلىرى ۋە مۇنەۋۋەر پارتىيە ئەزالىرى ۋەكىللىرى سۆھبەت يىغىنىدا قىلغان مۇھىم سۆزىنىڭ روھىنى ئەستايىدىل ئۆگىنىپ، ئىزچىللاشتۇرۇپ، يەر تەۋرەش ئاپىتىگە تاقابىل تۇرۇپ، ئاپەتتىن قۇتقۇزۇش ئۇلۇغ روھىنى جارى قىلدۇرۇشى، پارتىيە ۋە خەلقنىڭ مەڭگۈ سادىق قوغدىغۇچىسى، خەلق ئۈچۈن قانۇن يۈرگۈزۈش ئۈلگىسى، دەۋرگە مۇناسىپ قەھرىمان، ئىش ئورنىنى سۆيۈپ، كەسىپنى قەدىرلەش نەمۇنىسى بولۇپ، جۇڭگوچە سوتسىيالىزم ئىشلىرىنىڭ قۇرغۇچىلىرى، قوغدىغۇچىلىرى بولۇشتەك مۇقەددەس بۇرچىنى ياخشى ئادا قىلىپ، پارتىيە ۋە خەلققە يېڭى تۆھپىلەرنى قوشۇشى كېرەك.