. ب د ت باش كاتىپى بان كىمون 14 – ئىيۇل پارىژدا سۇدان زۇڭتۇڭى بەشىرنىڭ خەلقئارا جىنايى ئىشلار سوت مەھكىمىسىنىڭ ئۇنى سۇداننىڭ دارفور رايونىدا ئۇرۇش جىنايىتى ئۆتكۈزدى، دېگەن ئەيىبلىشىگە ئاقىلانە مۇئامىلە قىلىپ، ب د ت بىلەن ئومۇميۈزلۈك ھەمكارلىشىشىنى ئۈمىد قىلدى.

   . ئىران ئاخبارات تېلېۋىزىيە ئىستانسىسىنىڭ 15 – ئىيۇل خەۋەر قىلىشىچە، ئىران زۇڭتۇڭى ئەھمەدى نىجاد ئىراننىڭ  يادرو سۆھبىتىگە دائىر ھەر قانداق ئالدىنقى شەرتنى قوبۇل قىلمايدىغانلىقىنى ئېيتقان.

   .  تايلاند زۇڭلىسى شاما 15 – ئىيۇل ئىچكى كابېنت يىغىنىدىن كېيىنكى ئاخبارات ئېلان قىلىش يىغىنىدا: ھۆكۈمەت يېقىندا ئاممىنىڭ پۇل پاخاللىقى قاتارلىق سەۋەبلەر تۈپەيلىدىن   كۈندىن – كۈنگە ئېغىرلىشىپ كەتكەن تۇرمۇش بېسىمىنى يەڭگىللىتىش ئۈچۈن، بىر قاتار ئىقتىسادىي سىياسەتلەرنى ئوتتۇرىغا قويىدۇ، دەپ جاكارلىدى.

   .  پولشا زۇڭتۇڭى كاچىنسىكى 14 – ئىيۇل پولشا ئۇكرائىنانىڭ ش ئا ئە ت ۋە ياۋروپا ئىتتىپاقىغا ئەزا بولۇشىنى ‹‹ئاخىرىغىچە قوللايدۇ››، دېدى.

   . ئامېرىكا ئاقساراينىڭ ئايال باياناتچىسى پېررىنو 14 – ئىيۇل سۆز قىلىپ، ‹‹ۋاشىنگتون پوچتىسى›› گېزىتىنىڭ: ئامېرىكا بىلەن ئىراقنىڭ ئىراقتا تۇرۇشلۇق ئامېرىكا ئارمىيىسىنىڭ ئورنى توغرىسىدىكى سۆھبىتى توختاپ قالدى، دېيىلگەن خەۋىرىنى ئىنكار قىلدى.

 شىنخۇا ئاگېنتلىقى
