شىنخۇا ئاگېنتلىقى، بېيجىڭ، 8 – ئىيۇل تېلېگراممىسى. مۇخبىرنىڭ بۈگۈن تاموژنا باش مەھكىمىسىدىن ئىگىلىشىچە، ئېلىمىز تاموژنىسى ئو ت م مەزگىلىدە چېگرىدىن كىرىدىغان  –  چىقىدىغانلارغا قۇلايلىق يارىتىپ بېرىش ئۈچۈن ‹‹ئو ت م مەخسۇس يولى›› مۇلازىمىتىنى يولغا قويۇپ، خەلقئارا ئولىمپىك كومىتېتىنىڭ ئەمەلدارلىرى، ھەر قايسى ئەل تەنھەرىكەتچىلىرى ۋە ئو ت م چوڭ ئائىلىسىنىڭ ئەزالىرى شۇنداقلا ئۇلارنىڭ يۈك – تاقلىرىنىڭ تاموژنىدىن ئۆتۈشىگە تېز، قۇلايلىق مۇلازىمەت قىلىدىكەن.

   تاموژنا باش مەھكىمىسىنىڭ باشلىقى شېڭ گۇاڭزۇ 8 – ئىيۇل ئۆتكۈزۈلگەن مەملىكەتلىك تاموژنا سىستېمىسىنىڭ ئو ت م نىڭ ئامانلىقىنى قوغداش ۋە مۇلازىمەت قەسەمياد يىغىنىدا مۇنداق دېدى:  مەملىكىتىمىزدىكى تاموژنا سىستېمىسىدىكىلەر بىخەتەرلىككە كاپالەتلىك قىلىش ئاساسىدا ئو ت م گە قۇلايلىق يارىتىپ بېرىشكە ئالاقىدار  تەدبىرلەرنى ياخشى ئەمەلىيلەشتۈرۈپ، خىزمەت ئۈنۈمىنى ھەقىقىي ئۆستۈرۈپ، ئەلا مۇلازىمەت قىلىپ، تاموژنىدىن ئۆتۈشنىڭ ياخشى مۇھىتى ۋە كەيپىياتىنى يارىتىشى كېرەك.

   ئىگىلىنىشىچە، ھازىر ئېلىمىز تاموژنىسى ئو ت م گە ئالاقىدار تاموژنىدىن ئۆتكۈزۈشنىڭ تۈرلۈك تەييارلىق خىزمەتلىرىنى ئىشلەپ بوپتۇ.
