تىرىك ھايۋانلار ئېكسپورتىنىڭ كارانتىن قىلىش ھەققى ، پەمىدۇر قىيامى ، پاختا ئېكسپورتىنىڭ كارانتىن ھەققى كەچۈرۈم قىلىنغانلىقتىن ، ئالدىنقى يېرىم يىلدا ، شىنجاڭ ئىمپورت–ئېكسپورت شىركەتلىرىنىڭ تاۋار ئېكسپورتىدا مۇناسىۋەتلىك ھەقلەردىن 1 مىليون 216 مىڭ يۈەن تېجەپ قېلىندى . بۇ تۈردىكى كەچۈرۈم قىلىش سىياسىتى يىل ئاخىرىغىچە ئىجرا قىلىنىدىكەن . 

     ئىگىلىنىشىچە ، 1–ئايدىن 6–ئايغىچە كارانتىن قىلىنغان ۋە تەكشۈرۈشتىن ئۆتكۈزۈلگەن يېزا ئىگىلىك مەھسۇلاتلىرى ئىمپورت–ئېكسپورتىدا دۆلەتنىڭ مۇناسىۋەتلىك ھەقلەرنى كەچۈرۈم قىلىش تەلىپىگە ئاساسەن ، ئاپتونوم رايونىمىزنىڭ ئىمپورت–ئېكسپورت شىركەتلىرىنىڭ 1 مىليون 174 مىڭ يۈەن كارانتىن ھەققى كەچۈرۈم قىلىندى . بۇ مەھسۇلاتلار پەمىدۇر قىيامى ، پاختا ، كۆكتات ، گۈرۈچ قاتارلىق ئىمپورت–ئېكسپورت تاۋارلىرىنى ئۆز ئىچىگە ئالىدۇ .