چاۋشىيەن ‹‹ئەمگەك خەۋەرلىرى›› گېزىتىنىڭ 10 – ئىيۇل خەۋەر قىلىشىچە ، چاۋشىيەننىڭ ئالىي رەھبىرى كىم جۇڭئىل يېقىندا يېزىلارنى كۆزدىن كەچۈرگەندە مۇنۇلارنى تەكىتلىگەن : يېزا قۇرۇلۇشى مۇھىم ئىنقىلابى ۋەزىپە ، بىز يېزىلارنى زامانىۋى تېخنىكىغا ئىگە ، باي ۋە مەدەنىي سوتسىيالىستىك يېزا قىلىپ قۇرۇپ چىقىشىمىز كېرەك .

     كىم جۇڭئىل مۇنداق دېدى : قورساق مەسلىسىنى ھەل قىلىش ھازىرقى ئەڭ مۇھىم مەسلە ، پۈتۈن مەملىكەت ، پۈتۈن خەلق كۈچنى مەركەزلەشتۈرۈپ يېزا ئىگىلىكىگە ياردەم قىلىپ ، يېزا ئىگىلىك ئىشلەپچىقىرىشىدا دەۋر ھالقىغان ئۆزگىرىش پەيدا قىلىش كېرەك .

    كىم جۇڭئىل باقمىچىلىق رايونىنى كۆزدىن كەچۈرگەندە مۇنداق دېدى : چارۋىچىلىقنى تەرەققىي قىلدۇرۇش خەلقنىڭ تۇرمۇش سەۋىيىسىنى ئۆستۈرۈشتىكى مۇھىم ۋەزىپىلەرنىڭ بىرى .

شىنخۇا ئاگېنتلىقى