دۆلەت ئىشلىرى كومىسسارى، جامائەت خەۋىپسىزلىكى مىنىستىرى مېڭ جيەنجۇ يېقىندا جۇڭگو تىنچلىقنى ساقلاش ساقچىلىرىنى تەربىيىلەش مەركىزىگە كېلىپ، يېقىندا ھايتىغا بېرىپ تىنچلىقنى ساقلاش ۋەزىپىسى ئۆتەيدىغان ئېلىمىزنىڭ تىنچلىقنى ساقلاش ساقچىلىرى زوراۋانلىقنىڭ ئالدىنى ئېلىش 7–تارماق ئەترىتىنىڭ ئۇرۇش تاكتېكىسىدىن دوكلات بېرىش مانۋېرىنى كۆردى ھەمدە گوۋۇيۈەن ۋە جامائەت خەۋىپسىزلىكى مىنىستىرلىكى پارتكومىغا ۋاكالىتەن بارلىق زوراۋانلىقنىڭ ئالدىنى ئېلىش ئەترىتىدىكىلەردىن سەمىمىي ھال سورىدى. مېڭ جيەنجۇ مۇنۇلارنى تەكىتلىدى: ‹‹سادىق بولۇش، جان تىكىپ ئېلىشىش، ئىتتىپاقلىشىش، تەغدىم قىلىش››تەك ‹‹تىنچلىقنى ساقلاش روھى››غا ۋارىسلىق قىلىپ ۋە جارى قىلدۇرۇپ، خەلقئارالىق ۋەزىپە ئىجرا قىلىش ئىقتىدارىڭلار ۋە سەۋىيەڭلارنى ئۈزلۈكسىز يۇقىرى كۆتۈرۈپ، ئېلىمىزنىڭ ھايتى خەلقىنىڭ قەلبىدىكى تەسىرىنى يەنىمۇ كېڭەيتىپ، ھايتىنىڭ ئىجتىمائىي مۇقىملىقىنى قوغداش، ئىناق دۇنيا بەرپا قىلىش ئۈچۈن يېڭى تۆھپىلەرنى قوشۇڭلار .