مۇشۇ ئاينىڭ 8–كۈنىدىن 9–كۈنىگىچە، ئەدلىيە مىنىستىرى ۋۇ ئەييىڭ ئەدلىيە مەمۇرىي ئورگانلىرىنىڭ ئولىمپىك تەنھەرىكەت مۇسابىقىسىنىڭ ئامانلىق ساقلاش خىزمىتىنى ياخشى ئىشلەپ، جەمئىيەتنىڭ ئىناق، مۇقىملىقىنى قوغدىشى بويىچە بېيجىڭدا تەكشۈرۈپ تەتقىق قىلدى. ۋۇ ئەييىڭ مۇنۇلارنى تەكىتلىدى: ‹‹بېيجىڭ ئولىمپىك تەنھەرىكەت مۇسابىقىسىنىڭ ئېچىلىشىغا ئاز قالدى، ھەر دەرىجىلىك ئەدلىيە مەمۇرىي ئورگانلىرى باش شۇجى خۇ جىنتاۋنىڭ ئولىمپىك تەنھەرىكەت مۇسابىقىسىنى ئۆتكۈزۈش تەييارلىقى خىزمىتى توغرىسىدىكى مۇھىم يوليورۇقى ۋە مەركەزنىڭ قارار، ئورۇنلاشتۇرۇلمىلىرىنى چوقۇم ئەستايىدىل ئۆگىنىپ، ئىزچىللاشتۇرۇپ، ئولىمپىك تەنھەرىكەت مۇسابىقىسىنىڭ مۇۋەپپەقىيەتلىك ئۆتكۈزۈلۈشىگە كاپالەتلىك قىلىشنى مۇھىم ۋەزىپە ئورنىدا چىڭ، ياخشى تۇتۇپ، سىياسىي ئاڭ، ئومۇمىيەت ئېڭى، كۈلپەت ئېڭىنى ھەقىقىي كۈچەيتىپ، فونكسىيىلىك رولىنى تولۇق جارى قىلدۇرۇپ، تۈرلۈك خىزمەتلەرنى پۈتۈن كۈچى بىلەن ياخشى ئىشلەپ، ئولىمپىك تەنھەرىكەت مۇسابىقىسىنىڭ مۇۋەپپەقىيەتلىك ئۆتكۈزۈلۈشىنى ئەلا سۈپەتلىك، يۇقىرى ئۈنۈملۈك قانۇنىي مۇلازىمەت ۋە كاپالەت بىلەن تەمىنلىشى كېرەك›› .