شىنخۇا تورى پارىژ 9 – ئىيۇل تېلېگراممىسى : فرانسىيە زۇڭتۇڭ مەھكىمىسى 9 – ئىيۇل ئاشكارە بايانات ئېلان قىلىپ مۇنداق دېدى : فرانسىيە زۇڭتۇڭى ساركوزى 9 – ئىيۇل ياپونىيىنىڭ خوككايدودا ئېچىلغان سەككىز دۆلەت باشلىقلىرى يىغىنىغا تەكلىپ بىلەن قاتناشقان جۇڭگونىڭ دۆلەت رەئىسى خۇ جىنتاۋ بىلەن كۆرۈشكەندە ، ئۆزىنىڭ 8 – ئاينىڭ 8 – كۈنى بېيجىڭغا كېلىپ ، ئو ت م نىڭ باشلىنىش مۇراسىمىغا قاتنىشىدىغانلىقىنى بىلدۈردى ھەمدە بېيجىڭ ئولىمپىك تەنھەرىكەت مۇسابىقىسىنىڭ مۇۋاپپەقىيەتلىك ئېچىلىشىغا تىلەكداشلىق بىلدۈردى . 

      باياناتتا يەنە مۇنداق دېيىلدى : ساركوزى ياۋروپا ئىتتىپاقىدىكى باشقا دۆلەتلەرنىڭ قۇشۇلۇشى بىلەن ، فرانسىيە زۇڭتۇڭى سالاھىيىتى ھەمدە ياۋروپا ئىتتىپاقىنىڭ ۋەكىلى سۈپىتىدە بېيجىڭ ئو ت م غا قاتنىشىدۇ .