8–ئىيۇل ، ‹‹خوڭفۇ›› مېھمانسارىيى ،‹‹خەيدې مېھمانسارىيى›› ، ‹‹كۈمۈش ئاستانە›› مېھمانسارىيى ، ‹‹شىلەيدېڭ›› مېھمانسارىيى قاتارلىق 99 دىن ئارتۇق يېمەك–ئىچمەك كەسپىي ئورۇنلىرىنى ئۆز ئىچىگە ئالغان ‹‹ئۈرۈمچى يېمەك–ئىچمەك مۇلازىمىتى كەسپىي جەمئىيىتى›› قۇرۇلدى .

      تونۇشتۇرۇلىشىچە ، ‹‹ئۈرۈمچى يېمەك–ئىچمەك مۇلازىمىتى كەسپىي جەمئىيىتى›› — ئاساسلىقى يېمەك–ئىچمەك تىجارىتى ، يېمەك–ئىچمەك مۇلازىمىتى ، يېمەك–ئىچمەك مەدەنىيەت تەتقىقاتى ، يېمەك–ئىچمەك تەربىيىسى ، ئاشپەزلىك ۋە يېمەكلىك ، ئوزۇقلۇق تەتقىقاتى ھەمدە يېمەك–ئىچمەك ساھەسىگە مۇناسىۋەتلىك بولغان ئىشلەپچىقىرىش تىجارىتى پائالىيەتلىرى بىلەن شوغۇللىنىدىغان كارخانا ، كەسپىي ئورۇنلار ، كوللېكتىپ ۋە شەخسلەر ئىختىيارىي قاتناشقان كەسپىي ئۇيۇشما ئىكەن .

      نۆۋەتتە ، بۇ جەمئىيەتكە 99 كوللېكتىپ ئەزادىن باشقا يەنە ، 186 نەپەر شەخس ئەزا بار ئىكەن .

    2007–يىلى مەركىزىي شەھەر ئۈرۈمچىدە يېمەك–ئىچمەك ئىستېمالى 5 مىليارد يۈەن ئەتراپىدا بولغان بولۇپ ، مەملىكەتنىڭ ئوتتۇرا–يۇقىرى سەۋىيىسىدە تۇرىدىكەن .