8–ئىيۇل ، ئۈرۈمچى شەھەرلىك ئاممىۋى قاتناش شىركىتىدىن ئىگىلىنىشچە ، 1–، 101–، 102–، 103–، 111–، 309–يول ئاممىۋى قاتناش لىنىيىلىرىدىكى ئاپتوبۇسلارغا يولۇچىلارنىڭ مىقدارىنى تەكشۈرىدىغان ئىنفرا قىزىل نۇرلۇق ئەسۋاب بېكىتىلگەن .

     بۇ ئەسۋاب ئاممىۋى قاتناش مەركىزىي كونترول قىلغۇچى سىستېمىسىنىڭ بىر قىسمى بولۇپ ، ئاممىۋى ئاپتوبۇسنىڭ ئالدى ، ئارقا ئىشىكىگە ئورنىتىلغان . تەكشۈرۈشنىڭ ئەڭ ئاخىرقى نەتىجىسىگە ئاساسەن ، ئاممىۋى قاتناش شىركىتى ئاممىۋى ئاپتوبۇسنىڭ مەلۇم بىر بېكەت ، مەلۇم بىر ۋاقىت بۆلىكىدىكى يولۇچىلارنىڭ ئاز – كۆپلۈك ئەھۋالىنى ئىگىلەپ ، ئوخشاش بىر لىنىيىدىكى يولۇچىلار ئېقىمىنىڭ ئۆزگىرىش ئەھۋالىنى تەھلىل قىلىش بىلەن بىرگە بۇ ئەھۋالغا قارىتا لىنىيىنىڭ ترانسپورت كۈچىنى مۇۋاپىق ئورۇنلاشتۇرۇشتا سانلىق مەلۇمات بىلەن تەمىنلەيدىكەن .