مۇناسىۋەتلىك تارماقلارنىڭ ئەڭ يېڭى سانلىق مەلۇماتىغا ئاساسلانغاندا ، نۆۋەتتە ، شىنجاڭنىڭ كۈندىلىك خام نېفىت ئىشلەپچىقىرىش مىقدارى 75 مىڭ توننا بولۇپ ، پۈتۈن مەملىكەت كۈندىلىك خام نېفىت ئىشلەپچىقىرىش ئومۇمىي مىقدارىنىڭ %44ىنى ئىگىلەيدىكەن .

      ئىستاتىستىكلارغا ئاساسلانغاندا ، 2007–يىلى شىنجاڭدا ئىشلەپچىقىرىلغان خام نېفىتنىڭ ئومۇمىي مىقدارى 20 مىليون 640 مىڭ توننا بولۇپ ، پۈتۈن مەملىكەت دائىرىسىدە ئىشلەپچىقىرىلغان 100 مىليون 870 مىڭ توننا خام نېفىتنىڭ %14 ىنى ئىگىلىگەن . تەبىئىي گاز ئىشلەپچىقىرىش مىقدارى 21 مىليارد 100 مىليون كۇپ مېتىرغا يەتكەن . ماي–گاز ئېكۋىۋالېنتى 40 مىليون 330 مىڭ توننىغا يېتىپ جۇڭگودىكى ئەڭ چوڭ ماي–گاز ئىشلەپچىقىرىش رايونى بولۇپ قالغان. غەربنىڭ گازىنى شەرققە يەتكۈزۈش ، جۇڭگو–قازاقىستان خام نېفىت يەتكۈزۈش تۇرۇبىسى ، ئۇلانباتور تەييار نېفىت يەتكۈزۈش تۇرۇبىسى ، غەربىي رايون خام نېفىت يەتكۈزۈش تۇرۇبىسى قاتارلىق قۇرۇلۇشلارنىڭ ئارقا–ئارقىدىن ئىشقا كىرىشتۈرۈلۈشىگە ئەگىشىپ ، شىنجاڭ مەملىكىتىمىزنىڭ مۇھىم ئىستىراتىگىيىلىك نېفىت بازىسى بولۇپ قالدى .