7–ئىيۇل ، جۇڭگو خەلق بانكىسىنىڭ ئۈرۈمچىدىكى مەركىزىي تارماق بانكىسىدىن ئىگىلىنىشىچە ، مەركىزىي شەھەر ئۈرۈمچىدىكى ھەر قايسى كەسپى بانكىلار بۈگۈندىن باشلاپ 10 يۈەنلىك ئولىمپىك تەنھەرىكەت مۇسابىقىسى خاتىرە پۇلىنى تارقىتىشقا باشلىغان .

      7–ئىيۇل سەھەردىن تارتىپ ، شەھەر ئاھالىسى توختىماي تېلېفون ئۇرۇپ ياكى ئۆزلىرى بانكىغا كېلىپ ، ئولىمپىك تەنھەرىكەت مۇسابىقىسى خاتىرە پۇلى تارقىتىشقا مۇناسىۋەتلىك ئىشلارنى سۈرۈشتۈرۈشكە باشلىغان . لېكىن بانكا خادىملىرىخاتىرە پۇلنىڭ شىنجاڭغا قانچىلىك مىقداردا تارقىتىلىدىغانلىقى توغرىلىق ئۇقتۇرۇشنى تېخى تاپشۇرۇۋالمىغاچقا ، خېرىدارلارغا بۇ ھەقتىكى ئۇچۇرلارنى ئاخبارات ۋاستىلىرىنىڭ خەۋىرىدىن بىلىش توغرىسىدا مەسلىھەت بەرگەن .