موڭغۇلكۈرە ناھىيىسى يەر تەۋرەشكە چىداملىق ئۆي قۇرۇلۇشىنى چىڭ تۇتقانلىقتىن، ئۈچ يىلدا 12 مىڭ ئائىلە يەر تەۋرەشكە چىداملىق ئۆيلەرگە كۆچۈپ كىردى.

   2003 – يىلى 12 – ئاينىڭ 1 – كۈنى موڭغۇلكۈرە ناھىيىسىدە 6.1 بال يەر تەۋرەپ، بۇ ناھىيىنىڭ شوتا قىرغىز يېزىسى، خۇسۇمتۇ خارسۇن موڭغۇل يېزىسى، يېزا ئىگىلىك 4 – شىسىنىڭ 76 – تۇەن – مەيدانىدانى قاتارلىق جايلاردىكى خەلقنىڭ ھاياتى ۋە مال – مۈلكى  ئېغىر زىيانغا ئۇچرىغان ئىدى. ئاپەتتىن كېيىن، ناھىيىلىك پارتكوم ۋە خەلق ھۆكۈمىتى يەرنى تېجەپ ئىشلىتىش، ئىشلەپچىقىرىشقا تەسىر يەتكۈزمەسلىك، خەلق تۇرمۇشىغا قولايلىق بولۇش تەدبىرىنى قوللىنىپ، يەر تەۋرەش ئاپىتى ئېغىر بولغان يېزا – مەيدانلاردىكى خەلقنى يۇرت – ماكانىنى قايتا قۇرۇشقا يېتەكلىدى. ناھىيە بۇ قۇرۇلۇشقا يۇقىرى دەرىجىلىك ئورۇنلار ۋە دېھقان – چارۋىچىلارنىڭ يېقىندىن ماسلىشىشى بىلەن 20 مىليون يۈەندىن ئارتۇق مەبلەغ سالدى. بۇنىڭ بىلەن، ھازىرغىچە 12 مىڭ 140 ئائىلە ئازادە، يورۇق، يەر تەۋرەشكە چىداملىق ئۆيلەرگە كۆچۈپ كىردى.   
