2005  – يىلى قەشقەر شەھىرى جۇڭگو خۇادىيەن گۇرۇھىنىڭ نۇقتىلىق ياردەم بېرىش نۇقتىسى قىلىپ بېكىتىلگەندىن بۇيان، بۇ گۇرۇھتىكىلەر ئىختىساسلىق خادىملارنى ئەۋەتىش، مەبلەغ جەھەتتىن ياردەم بېرىش، نۇقتىلىق قۇرۇلۇش تۈرلىرىنى ئۈستىگە ئېلىش قاتارلىق ئۇسۇللار ئارقىلىق، قەشقەر شەھىرىنىڭ ئىقتىسادىي تەرەققىياتىغا  تۆھپە قوشتى.

   خۇادىيەن گۇرۇھى ئۈچ يىلدىن بۇيان، 510 مىليون يۈەن مەبلەغ سېلىپ، قەشقەر ئوت ئېلېكتىر ئىستانسىسى 2  –  قارارلىق قۇرۇلۇشىنى تاماملىدى، قەشقەر شەھىرىدىكى  مەكتەپلەرنىڭ شارائىتىنى ياخشىلاشقا 3 مىليون يۈەن، شەھەرلىك پەن  –  تېخنىكا مەدەنىيەت مەيدانى قۇرۇلۇشىغا 3 مىليون يۈەن ياردەم قىلدى، شەھەر  – يېزىلاردىكى نامرات ئائىلىلەرگە 1000 دانە تېلېۋىزور ئىئانە قىلدى.  6  –  ئايدا بۇ گۇرۇھ يەنە قەشقەر شەھىرى ۋە يوپۇرغا ناھىيىسىدىكى نامرات ئائىلىلەرگە 2 مىليون 230 مىڭ يۈەن قىممىتىدە 3000  تېلېۋىزور ۋە 3500 يۈرۈش يۇڭ پوپايكا ئىئانە قىلدى. 
