ئۈرۈمچى شەھىرىدىكى مۇناسىۋەتلىك ئورگانلار ئەتىگەنلىك ، كەچلىك بازارلارنىڭ تىجارەتچىلىرى ، باشقۇرغۇچىلىرى ۋە مۇناسىۋەتلىك تارماقلارنىڭ نازارەتچى خادىملىرىدىن 90 كىشىگە بىخەتەر ئىشلەپچىقىرىش تەربىيىسى ئېلىپ باردى . بۇ مەركىزىي شەھەر ئۈرۈمچىدە ئەتىگەنلىك ، كەچلىك بازارلار شەكىللەنگەن 17 يىلدىن بېرى تۇنجى قېتىملىق بىخەتەرلىك تەربىيىسى ئېلىپ بېرىش پائالىيىتى بولۇپ ھېسابلىنىدۇ .

      مۇناسىۋەتلىك تارماقلار مەسئۇلىنىڭ ئېيتىشىچە ، ئۈرۈمچى شەھىرىدىكى ئەتىگەنلىك ، كەچلىك بازارلارنىڭ ئورۇنلاشتۇرىلىشى ، باشقۇرۇلىشىدا زور ئۆزگىرىشلەر بارلىققا كەلگەن بولسىمۇ ، لېكىن بىخەتەر باشقۇرۇش خىزمىتى تازا كۆڭۈلدىكىدەك ئەمەس ئىكەن . بۇ قېتىملىق تەربىيىلەش كۇرسى تىجارەتچى ۋە باشقۇرغۇچىلارغا بىخەتەرلىك خىزمىتىنىڭ مۇھىملىقىنى تونۇتۇش ، باشقۇرۇش ۋە ئالدىنى ئېلىش خىزمىتىنى كۈچەيتىش جەھەتتە زور رول ئوينايدۇ .