ئۈرۈمچى تۆمۈر يول ئىدارىسىدىن ئىگىلىنىشىچە ، شىنجاڭدا جۇڭگو–قىرغىزىستان ، جۇڭگو–ئۆزبېكىستان تۆمۈريولىدىن ئىبارەت ئىككى تۆمۈر يول ياسىلىپ ، ئوتتۇرا ئاسىياغا تۇتاشتۇرۇلىدىكەن .

      نۆۋەتتە ، جۇڭگو–قىرغىزىستان تۆمۈريولىنىڭ ئالدىنقى باسقۇچلۇق خىزمەتلىرى باشلانغان بولۇپ ، جەنۇبىي شىنجاڭ تۆمۈر يولىنىڭ ئاخىرقى بېكىتى بولغان قەشقەر بېكىتىدىن باشلىنىپ ، جۇڭگو – قىرغىزىستان چىگرىسىدىكى تورغات ئېغىزىدىن ئۆتۈپ ، قىرغىزىستاننى كېسىپ ئۆتۈپ ئۆزبىكىستانغا تۇتاشتۇرۇلىدىكەن . مۆلچەرلىنىشىچە ، بۇ قۇرۇلۇش 2010–يىلى پۈتىدىكەن . بۇ لىنىيىنىڭ قۇرۇلۇشى شىنجاڭنىڭ چەت ئەللەر بىلەن بولغان ئىقتىسادىي ئالاقىسىنى كۈچەيتىپ ، يەرلىكنىڭ ئىقتىساد ۋە سودا تەرەققىياتىنىڭ يۈكسىلىشىدە مۇھىم رول ئوينايدىكەن .