قورغاس چىگرا ئېغىزى 110 كېلوۋولتلىق توك يەتكۈزۈش قۇرۇلۇشىغا ئۇل سېلىش مۇراسىمى مۇشۇ ئاينىڭ 1 – كۈنى قورغاس باغچىلاشقان سانائەت رايونىدا ئۆتكۈزۈلدى. قورغاس چىگرا ئېغىزى 110 كېلوۋولتلىق توك يەتكۈزۈش قۇرۇلۇشىغا 65 مىليون يۈەندىن كۆپرەك مەبلەغ سېلىنىدىغان بولۇپ، شىنجاڭ ئېلېكتر ئېنېرگىيىسى شىركىتى 2008 – يىلى مەبلەغ سالغان ئىلى 220 كېلوۋولتلىق خۈينىڭ ترانسفورماتور ئىستانسىسىدىن كېيىنكى ئىلى دەريا جىلغىسىدا قۇرۇلغان يەنە بىر نۇقتىلىق ئېلېكترتورى قۇرۇلۇشى ھېسابلىنىدۇ. 11 – بەش يىللىق يىرىك پىلان مەزگىلىنىڭ ئاخىرقى 3 يىلىدا، ئىلى ئېلېكتر تورىدا 220 كېلوۋولتلىق قوش ھالقا تورى تايانچ تور رامكىسى قۇرۇلۇپ، ئىلى ئېلېكتر تورىنىڭ  ئۈرۈمچى ۋە جەنۇبىي شىنجاڭ ئىككى يۆنىلىش بويىچە توك يەتكۈزۈش ئىشقا ئاشۇرۇلىدۇ.