‹‹جەلپكار شىنجاڭ 10 مىڭ چاقىرىملىق سەپىرى›› چوڭ تىپتىكى زىيارەت قىلىش پائالىيتى ئاپتونوم رايونىمىز ساياھەتچىلىكىنىڭ ماركىسىنى يارىتىدىغان پائالىيەت بولۇپ ، باش تېمىسى‹‹مۇقىم، ئىناق، تەرەققىي قىلىۋاتقان شىنجاڭ›› بولۇپ ، بۇ پائالىيەت ئارقىلىق ئاپتونوم رايونىمىز ساياھەت كەسپىنىڭ قولغا كەلتۈرگەن غايەت زور نەتىجىلىرىنى نامايەن قىلىش بىلەن غەربنىڭ ئۆزگىچە مىللىي ئالاھىدىلىكىنى دۆلەت ئىچى ۋە دۇنياغا تونۇشتۇرۇش ئىكەن. پائالىيەتكە ئاپتونوم رايونىمىز ئىچى – سىرتىدىكى ئاساسلىق ئاخبارات ۋاستىسىدىن 50 تىن ئارتۇق مۇخبىر تەكلىپ قىلىندى. مۇخبىرلار 3– ئىيۇل ئۈرۈمچىدىن يولغا چىقىپ، سانجى، قاراماي، غۇلجا، تۇرپان، قەشقەر قاتارلىق ئاپتونوم رايونىمىزنىڭ جەنۇبى ۋە شىمالىدىكى نۇقتىلىق شەھەر – بازارلاردا زىيارەتتە بولۇپ، ھەرقايسى ئاز سانلىق مىللەتلەرنىڭ ئۆرپ – ئادەتلىرى، مۇھىم تۈرلەرگە  مەبلەغ جەلپ قىلىش، ئۇل مۇئەسسەسە قۇرۇلۇشى قاتارلىق جەھەتلەردىكى ئەھۋاللىرى بىلەن تونۇشۇپ چىقىدۇ ھەم بۇ ھەقتىكى ئەھۋاللانى خەۋەر قىلىدۇ.

     ئىگىلىنىشىچە، ‹‹جەلپكار شىنجاڭ 10 مىڭ چاقىرىملىق سەپىرى›› چوڭ تىپتىكى زىيارەت قىلىش پائالىيتى مۇشۇ ئاينىڭ 13–كۈنى ئاياغلىشىدىكەن.