مەملىكەتلىك يېزا ئاساسىي قاتلام ئورۇنلىرىنىڭ پارتىيە ئىستىلى، پاكلىق قۇرۇلۇشى خىزمىتى بويىچە تەجرىبە ئالماشتۇرۇش يىغىنى مۇشۇ ئاينىڭ 2–، 3– كۈنلىرى خېنەن ئۆلكىسىنىڭ جىڭجۇ شەھىرىدە ئېچىلدى. پارتىيە مەركىزىي كومىتېتى شۇجىچۇسىنىڭ شۇجىسى، مەركىزىي ئىنتىزام تەكشۈرۈش كومىتېتىنىڭ مۇئاۋىن شۇجىسى خې يۇڭ يىغىنغا قاتناشتى ھەمدە سۆز قىلدى. ئۇ مۇنداق دەپ تەكىتلىدى: پارتىيە 17– قۇرۇلتىيى روھىنى ئومۇمىيۈزلۈك ئىزچىللاشتۇرۇپ، جۇڭگوچە ئالاھىدىلىككى ئىگە سوتسىيالىزىم بەرپا قىلىش بايرىقىنى ئىگىز كۆتۈرۈپ، دېڭ شياۋپىڭ نەزەرىيىسى ۋە 3كە ۋەكىللىك قىلىش مۇھىم ئىدىيىسىنى يېتەكچى قىلىش؛ ئىلمىي تەرەققىيات قارىشىنى چوڭقۇر ئەمەلىيلەشتۈرۈپ، ‹‹چىرىكلەشكەنلەرنى جازالاش ۋە چىرىكلىكنىڭ ئالدىنى ئېلىش سىستېمىسى بەرپا قىلىشنىڭ 2008– يىلىدىن 2012– يىلغىچە بولغان خىزمەت پىلانى››نى ئەستايىدىل ئىزچىللاشتۇرۇش؛ ‹‹يېزا ئاساسىي قاتلام ئورۇنلىرىنىڭ پارتىيە ئىستىلى، پاكلىق قۇرۇلۇشىنى كۈچەيتىش توغرىسىدا پىكىر››نى داۋاملىق ئەمەلىيلەشتۈرۈپ، دادىل يېڭىلىق يارىتىپ، خىزمەتلەرنى پۇختا ئىشلەپ، يېزا ئاساسىي قاتلام ئورۇنلىرىنىڭ پارتىيە ئىستىلى، پاكلىق قۇرۇلۇشىنى ئىلگىرى سۈرۈش؛ يېزىلارنىڭ ئىقتىسادىي ۋە ئىجتىمائىي ئىشلىرىنىڭ ھەم ياخشى، ھەم تېز تەرەققىي قىلىشىنى ئۈنۈملۈك كاپالەتكە ئىگە قىلىش كېرەك .