5 – ئاي كىرگەندىن بۇيان، تارباغاتاي ۋە ئالتاي ۋىلايىتى 35 يىلدىن بۇيان كۆرۈلۈپ باقمىغان زور قۇرغاقچىلىق ئاپىتىگە ئۇچرىدى، زىرائەتلەر كەڭ كۆلەمدە ئاپەتكە ئۇچراپ، دېھقانچىلىق، چارۋىچىلىق ئىشلەپچىقىرىشى ئېغىر زىيانغا ئۇچرىدى.

   ئاپتونوم رايونىمىز نامراتلارنى يۆلەش مەبلىغىنى ئورۇنلاشتۇرۇشتا كونا قائىدىنى بۇزۇپ، تارباغاتاي ۋە ئالتاي ۋىلايىتىدىكى نامراتلارنى يۆلەش، ئېچىش خىزمىتىدىكى نۇقتىلىق ناھىيىلەرگە نامراتلارنى يۆلەش قەرز پۇل ياردەم ئۆسۈملۈك مەبلىغىدىن 5 مىليون يۈەن ئاجرىتىپ، نامرات ئائىلىلەرنىڭ ئىشلەپچىقىرىش ۋاسىتىلىرى ۋە ئۆي ھايۋانلىرىنىڭ قىشتىن ئۆتۈش يەم – خەشىكى سېتىۋېلىشىغا بەردى. نامراتلارنى يۆلەش قەرز پۇلى ياردەم ئۆسۈمىدە تۈپ ئۆسۈم نىسبىتى تولۇق سوممىلىق ياردەم ئۆسۈمى سىياسىتىنى يولغا قويۇپ، نامرات ئائىلىلەرنىڭ ئىشلەپچىقىرىش قىيىن ئۆتكىلىدىن ئۆتۈشىگە ياردەم قىلدى. 5 مىليون يۈەن نامراتلارنى يۆلەش قەرز پۇل ياردەم ئۆسۈملۈك مەبلىغى 70 مىليون يۈەن نامراتلارنى يۆلەش قەرز پۇلىنىڭ ئاجرىلىشىغا تۈرتكە بولىدۇ.  