ئىنسۇلىن قاتارلىق روھلاندۇرغۇچى دورىلارنى سېتىشنى چەكلەش بۇيرۇقىغا خىلاپلىق قىلغانلىقى ئۈچۈن ، ئۈرۈمچى شەھىرىدىكى 17 دورا دۇكىنىنىڭ ئىسمى تۈزۈمگە خىلاپلىق قىلغان كارخانىلار‹‹قارا تىزىملىك››ىگە كىرگۈزۈلدى .

      بۇ يىل مايدىن بۇيان ، ئۈرۈمچى شەھەرلىك يېمەك–ئىچمەك ، دورا نازارەت قىلىش ، باشقۇرۇش ئىدارىسى پۈتۈن شەھەردىكى دورا سېتىش كارخانىلىرنىڭ روھلاندۇرغۇچى دورىلار مەخسۇس تۈرىنى تەكشۈرۈپ ، ‹‹شېننوڭ››دورىچىلىق گۇرۇھى پارچە سېتىش 35–زەنجىرسىمان دۇكىنى ، يېڭى شەھەر رايونلۇق ‹‹شىنيى›› دورا دۇكىنى قاتارلىق 17 دورا بۇيۇملىرى سېتىش كارخانىسىنىڭ دوختۇرنىڭ رېتسىپىغا ئاساسلانماي تۇرۇپ ، ئىنسۇلىن قاتارلىق روھلاندۇرغۇچى تەركىبلىك دورىلارنى ساتقانلىقىنى ئېنىقلاپ چىققان .