قورغاس چېگرا پورتى ئۆزىنىڭ ئەۋزەل شارائىتىدىن پايدىلىنىپ، سودىگەر، مەبلەغ جەلپ قىلىش يوللىرىنى كېڭەيتىپ، 5 –  ئاينىڭ ئاخىرىغا قەدەر  سانائەت تۈرىدىن 12 نى تاماملاپ، ئەمەلىيلەشكەن مەبلەغنى 94 مىليون 910 مىڭ يۈەنگە يەتكۈزدى.  جۇڭگو نېفىت شىركىتىنىڭ چىرىشكە چىداملىق نېفىت تۇرۇبىسى تۈرىگە 50 مىليون يۈەن مەبلەغ سېلىنىدىغان بولۇپ، بۇ تۈرگە ئەمەلىيلەشكەن مەبلەغ 40 مىليون يۈەنگە يېتىپ، ئىشلەپچىقىرىش باسقۇچىغا كىردى. سودا ئوبوروت مەركىزى ۋە ئۆي –  مۈلۈك كەسپىگە ئائىت تۈرلەردىن 14ى يولغا قويۇلۇپ، ئۇلارغا ئەمەلىيلەشكەن مەبلەغ 530 مىليون 700 مىڭ يۈەنگە يەتتى.
