ئاقتۇ ناھىيىسى مەبلەغ سېلىش مۇھىتىنى ئەلالاشتۇرغانلىقتىن،  1 – ئايدىن 6 – ئايغىچە  241 مىليون 60 مىڭ يۈەن جەلپ قىلىپ، بۇلتۇرقى ئوخشاش مەزگىلدىكىدىن 1 مىليون 300 مىڭ يۈەن ئاشۇردى.

   ئاقتۇ ناھىيىسى سودىگەر، مەبلەغ جەلپ قىلىشنى چىڭ تۇتۇپ،  مەبلەغ جەلپ قىلىدىغان تۈرلەرنى بالدۇر، ئىلمىي پىلانلاپ، سىرتقى تەشۋىقاتنى كۈچەيتتى.  تور بېتى ئېچىپ، ناھىيىنىڭ بايلىق ئەۋزەللىكى ۋە سودىگەر، مەبلەغ جەلپ قىلىش تۈرلىرى، ئېتىبار سىياسەتلىرىنى جەمئىيەتكە ئېلان قىلدى. ئۇچۇر ئىگىلەشكە ئەھمىيەت بېرىپ، مەبلەغ سالغۇچىلارنى ئەۋزەل شارائىت بىلەن تەمىنلەپ، ئىچكىرىدىكى داڭلىق كارخانىلارنىڭ مەبلەغ سېلىشىنى قولغا كەلتۈردى. قائىدە – تۈزۈملەرنى مۇكەممەللەشتۈرۈپ، رەسمىيەتلەرنى ئاددىيلاشتۇردى. نەتىجىدە، بۇ يىل كان ئېچىش، پاختا توقۇمىچىلىق، ئېلېكتر ئېنېرگىيىسى، چارۋا مەھسۇلاتلىرىنى پىششىقلاش قاتارلىق 18تۈردە توختام ئىمزالىنىپ، پۈتۈشۈش سوممىسى 241 مىليون 60 مىڭ يۈەنگە يەتتى.
