700 مىليون 600 مىڭ يۈەن مەبلەغ سېلىنغان ، شىنجاڭ ئۇيغۇر ئاپتونوم رايونىنىڭ نۇقتىلىق قۇرۇلۇش تۈرى بولغان شەرقىي جۇڭغار كۆمۈر–ئېلېكتىر ، كۆمۈر–خىمىيە سانائىتى بەلبېغى تاشيولى قۇرۇلۇشىنىڭ يول يۈزى قۇرۇلۇشى باسقۇچىغا كىردى .

        شەرقىي جۇڭغار تاشيولى شەرقىي جۇڭغار كۆمۈر–ئېلېكتىر ، كۆمۈر–خېمىيە سانائەت بەلبېغىغا تۇتىشىدىغان ئېنېرگىيە مەنبەسى تىپىدىكى غول لىنىيىلىك تاشيول بولۇپ ، ياسىلىدىغان يولنىڭ ئومۇمىي ئۇزۇنلىقى137 كىلومېتىر كېلىدۇ . بۇ يول دۆلەت تاشيولى 216–لىنىيىسى بىلەن ئۆلكە تاشيولى 228– لىنىيىسىنى تۇتاشتۇرىدۇ . تۈر قۇرۇلۇشى پۈتكەندىن كېيىن ، شەرقىي جۇڭغار سانائەت بەلبېغىدىكى سانائەت باغچىسىنىڭ سىرتقا مەبلەغ سېلىش مۇھىتىنى تۈپتىن ياخشىلاپ ، تېخىمۇ كۆپ كۆمۈر–ئېلېكتىر ، كۆمۈر–خىمىيە كارخانىلىرىنى بۇ يەرگە مەبلەغ سېلىشقا جەلپ قىلىدۇ .