جۇڭگو كوممۇنىستىك پارتىيىسى مەركىزىي كومىتېتى سىياسىي بيۇروسى دائىمىي كومىتېتىنىڭ ئەزاسى، مەركىزىي كومىتېت شۇجىچۇسىنىڭ شۇجىسى، دۆلەتنىڭ مۇئاۋىن رەئىسى شى جىنپىڭنىڭ رىياسەتچىلىكىدە 1 – ئىيۇل ئىلمىي تەرەققىيات قارىشىنى چوڭقۇر ئۆگىنىش، ئەمەلىيەتتىن ئۆتكۈزۈش پائالىيىتىنى نۇقتىدا سىناق قىلىش خىزمىتى سۆھبەت يىغىنى ئۆتكۈزۈلدى. يىغىندا، ئۆلكە، ئاپتونوم رايون، شەھەرلەر ۋە مەركەز تارماقلىرىنىڭ ئاساسلىق مەسئۇللىرى يىغىنىنىڭ روھى ۋە باش شۇجى خۇ جىنتاۋنىڭ مەملىكەتلىك يەر تەۋرەش ئاپىتىگە تاقابىل تۇرۇپ، ئاپەتتىن قۇتقۇزۇشتىكى ئىلغار ئاساسىي قاتلام پارتىيە تەشكىلاتلىرى، مۇنەۋۋەر پارتىيە ئەزالىرى ۋەكىللىرى سۆھبەت يىغىنىدا قىلغان مۇھىم سۆزىنىڭ روھى ئۆگىنىلدى  ھەمدە ئالدىنقى باسقۇچىكى نوقتىدا سىناق قىلىش خىزمىتى يەكۈنلەندى، كېيىنكى باسقۇچتىكى نوقتىدا سىناق قىلىش خىزمىتى مۇھاكىمە قىلىپ، ئورۇنلاشتۇرۇلدى.