شىنخۇا ئاگېنتلىقى، بېيجىڭ، 29 – ئىيۇن تېلېگراممىسى. مۇخبىرنىڭ مۇناسىۋەتلىك تارماقلاردىن ئىگىلىشىچە، دالاي گۇرۇھىدىكىلەرنىڭ ئىلتىماسىغا ئاساسەن، مەركەزدىكى ئالاقىدار تارماقلار 7 – ئاينىڭ باشلىرىدا دالاينىڭ شەخسىي ۋەكىلى بىلەن ئۇچرىشىشقا  تەييارلىق كۆرۈۋېتىپتۇ.

   ئالاقىدار تارماقنىڭ مەسئۇلى مۇنداق كۆرسەتتى: مەركەزنىڭ دالايغا قوللانغان سىياسىتى ئەزەلدىن بىردەك، ئېنىق بولۇپ كەلدى، بىزنىڭ دالاي گۇرۇھىدىكىلەر بىلەن سۆزلىشىش دەرۋازىمىز داۋاملىق ئوچۇق. دالاي گۇرۇھىدىكىلەرنىڭ پۇرسەتنى قەدىرلەپ، ئەمەلىي ھەرىكىتى بىلەن مەركەزنىڭ تەلىپىگە ئاكتىپ ئىنكاس قايتۇرۇشىنى ئۈمىد قىلىمىز.
