25 –  ئىيۇن ئۈرۈمچىدىكى بىر قىسىم ئاخبارات ۋاسىتىلىرىنىڭ مۇخبىرلىرى ئاپتونوم رايون بويىچە ئەخلاق نەمۇنىچىسى، ئۇيغۇر يىگىت مەۋلانجانغا بىر  بۆرىكىنى تەقدىم قىلغان خەنزۇ قىز ۋاڭ يەننانى يەنە بىر قېتىم يوقلىدى.

   شىنجاڭ گېزىتخانىسىنىڭ  مۇھەررىرى، ئۈرۈمچى شەھىرى سايباغ رايونى بويىچە ‹‹قولى گۈل ئون ئايال››نىڭ بىرى دىلبەر ئابدۇقادىرۋاڭ يەنناغا ئاتاپ تىككەن ئەتلەس يوپكا بىلەن ئۆزى ياسىغان بىر دەستە گۈلنى  بەرگەندە، ۋاڭ يەننا خۇشال بولۇپ يوپكىنى شۇ يەردىلا كىيىۋالدى. ۋاڭ يەننا مۇنداق دېدى: دىلبەر ھەدەمنىڭ سوۋغىسىدىن بەك خۇش بولدۇم.  ئۈچ ئايلىق داۋالىنىشتىن كىيىن ھازىر سالامەتلىكىم خېلىلا ياخشىلاندى، مۇشۇ كۈنلەردە جەمئىيەتتىكى ھەر ساھەدىكىلەرنىڭ غەمخورلۇقى ۋە ياردىمىگە ئېرىشتىم، مېنى يوقلىغىلى كەلگەنلەرنىڭ ئايىغى ئۈزۈلمىدى، ئۇلارغا كۆپ رەھمەت.