بۇ يىل تۆمۈر يولدا يازلىق تەتىللىك يولۇچى توشۇش خىزمىتى 7 – ئاينىڭ 1 –كۈنى باشلىنىپ، 8– ئاينىڭ 31 – كۈنى ئاخىرلىشىدۇ. مۇشۇ ئاينىڭ 24 –كۈنى ئۈرۈمچى شەھەرلىك تۆمۈر يول ئىدارىسىدىن ئىگىلىنىشىچە، بۇ يىل يازلىق تەتىللىك تۆمۈر يولدا يولۇچى توشۇش مەزگىلىدەك، ئۈرۈمچى تۆمۈر يول ئىدارىسى 2 مىليون 550 مىڭ 400 يولۇچى توشۇشنى مۆلچەرلىگەن. يولۇچى سانىدا ئىككى قېتىم يۇقىرى پەللە كۆرۈلىدىكەن، بىرى 7 – ئاينىڭ 10 – كۈنىدىن 7 – ئاينىڭ 25– كۈنىگىچە بولۇپ، تەتىلگە قويۇپ بېرىلىپ يۇرتىغا قايتقان ئالىي مەكتەپ ئوقۇغۇچىلىرى ۋە ساياھەتچىلەر ئاساس قىلىنىدىكەن؛ ئىككىنچى يۇقىرى پەللە مەزگىلى 8 –ئاينىڭ 18– كۈنىدىن 9 – ئاينىڭ 10 – كۈنىگىچە كۆرۈلىدىغان بولۇپ، مەكتەپكە قايتقان ئالىي مەكتەپ ئوقۇغۇچىلىرى ۋە ئاپتونوم رايونىمىز ئىچىدىكى ساياھەتچىلەر ئاساس قىلىنىدىكەن.