ئۈرۈمچى شەھەرلىك دۆلەت باج ئىدارىسى بۇ يىل كىرگەندىن بۇيان باج مەنبەسى كۆلىمى، باج كىرىمىنىڭ ئېشىش سۈپىتى قاتارلىقلاردا بىر قەدەر ياخشى نەتىجە ياراتتى، باج كىرىمىدە زور دەرىجىدە ئېشىش ۋەزىيىتى كۆرۈلدى. 5 – ئاينىڭ ئاخىرىغا قەدەر، ئۈرۈمچى شەھىرىدىكى دۆلەت باج ئورۇنلىرى 4 مىليارد 687 مىليون 810 مىڭ يۈەن باج يىغدى، بۇ بۇلتۇرقىنىڭ ئوخشاش مەزگىلدىكىسىدىن 1 مىليارد 448 مىليون 500 مىڭ يۈەن كۆپ. بەشىنچى ئاينىڭ ئاخىرىغىچە ئۈرۈمچى شەھىرىدىكى دۆلەت باج ئورۇنلىرى يىللىق ۋەزىپىنىڭ 59.34 پىرسەنتىنى ئورۇنداپ بولدى.